Mae canolfan Bwlch Nant Yr Arian, o eiddo’r Comisiwn Coedwigaeth, wedi ei leoli mewn safle glan llyn godidog gan edrych dros Ddyffryn Melindwr gydag arfordir Ceredigion yn y pellter. Yn ogystal â’r golygfeydd, rhaid mai’r prif atyniad yw’r Barcud Coch. Ceir sesiynnau Bwydo’r Barcud Coch mewn mannau o amgylch y llyn ar hyd y flwyddyn, am 2 y prynhawn yn y gaeaf a 3 y prynhawn yn yr haf. Yn ystod misoedd y gaeaf, gallwch weld hyd at 100 o farcudiaid yn hedfan o gwmpas a thua 40 yn yr haf.

Hefyd mae yna barau preswyl o farcudiaid yn yr ardal felly mae’r posibiliadau o weld yr aderyn ysglafaethus yma fu unwaith yn brin, yn uchel iawn ar unrhyw adeg.

Llwybrau Cyfeirbwynt:

Mae yna hefyd tri llwybr beiciau mynydd yma-ym mysg y gorau ym Mhrydain-a dau llwybr ceffylau (5 milltir a 23 milltir). Yn ogystal â chanolfan ymwelwyr gyda gwybodaeth ar fywyd gwyllt lleol, mae gan y ganolfan ystafell de a lle chwarae awyr agored bychan i blant.

• Cyfeiriad
  Bwlch Nant yr Arian Forest, Llywernog, Ponterwyd, Aberystwyth, SY23 3AD.
• Cyfarwyddiadau
  Ar yr A44 heol Aberystwyth Llangurig , tua 10 milltir i’r dwyrain o Aberystwyth. Ma eyna amryw o arwydd-byst, ac os ydych yn defnyddio trafnidiaeth gyhoeddus, mae bws 501 o Aberystwyth i Bonterwyd yn stopio ger y fynedfa i’r maes parcio.
• Ffon
  01970 890694
• Ar Agor: Ebrill Medi: 10y bore – 5 yr hwyr pob dydd Hydref Mawrth: 11y bore tan fachlud haul pob dydd.